"Тоттенхэм" бош мураббийи Антонио Конте клуб ҳужумчи Харри Кейнни Лондон жамоасидаги фаолиятини якунлашини исташини айтди.
"Харрининг келажаги? Менимча, бу клуб учун савол. Ишончим комилки, раҳбарият Харри Кейнни фаолиятининг охиригача сақлаб қолмоқчи.
Чунки қўлингда шундай футболчи, унга ўхшаган жаҳон даражасидаги ҳужумчи бўлса, унинг бутун фаолияти давомида шу ерда қолишини истайсан. Аммо бошқа томондан, сиз футболни биласиз. Баъзида буни олдиндан айтиб бўлмайди, лекин мен бу масалани ҳал қилишим керак эмас. Бу қарор клуб ва Харрининг ўз хоҳишида қолади", - дея Контенинг сўзларини келтиради Sky Sports.
