"Наполи" 2022/23 йилги Чемпионлар Лигаси чорак финалида "Милан" билан ўйнайди. Шу тариқа, Неаполь клуби 1988/89 йилги мавсумдан буён илк бор еврокубокларда итальян жамоасига қарши майдонга тушади.
Ўшанда УЕФА кубогида неаполликлар чорак финалда "Ювентус"га қарши ўйнади ва умумий 3:2 ҳисобида ғалаба қозониб, ярим финалга йўл олди. “Наполи”нинг собиқ ҳужумчиси Диего Марадона икки учрашувда битта гол урганди. Эътиборлиси, “Наполи” ўша 1988/89 йилги УЕФА кубогини қўлга киритиб, ярим финалда “Бавария”, финалда “Штутгарт”ни мағлуб этганди.
Чемпионлар лигаси 1/4 финалининг илк ўйини “Наполи” ва “Милан” 11 ёки 12 апрел кунлари бўлиб ўтади. Жавоб баҳси 18 ёки 19 апрелга белгиланади.
