Украина терма жамоаси бош мураббийи Олег Блохин ЖЧ-2014 саралаш баҳсида Англи терма жамоасига қарши ўйин (1:1) ҳақида фикр билдирди.
Эслатиб ўтамиз, украиналиклар сўнгги дақиқаларда пенльтидан гол ўтказиб, ғалабани ушлаб қола олмадилар.
"Бунда яхши стартни ўйлаб топиб бўлмайди. Ахир биз дунёнинг энг яхши жамоаларидан бири билан "Уэмбли"да дурангга эришдик. Ўйлашимча, биринчи бўлимда Англияга етарли муаммолар туғирдик ва ўйин бошида жуда яхши вазиятларга эга бўлдик.
Ҳа, биз сўнгги дақиқаларда гол ўтказиб юбордик, аммо жуда яхши ўйин кўрсатдик. Қайтараман, бу ўйинда бир очко олганимизда жуда хурсандман. Сўнгги дақиқаларда гол ўтказиб юборганимиз ачинарли, аммо мен йигитлардан худди шундай ўйин кутган эдим.
Биз Англиянинг ўйинини ўқий олдик, ўйинга қўйилган талабдарни аниқ бажардик. Рақибни "бўш" қўйиб юборган вазиятларимиз ҳам бўлди, шунда бизга муаммолар туғилди. Бизнинг бугунги рақибимиз жуда яхши жамоа эди, унинг ҳар бир ўйинчисини таъқиб қилишнинг иложи йўқ эди", - дейди Блохин ўйиндан кейинги матбуот анжуманида.
