"Ливерпуль"нинг собиқ футболчиси Хосе Энрике Нидерландия терма жамоаси ва "Бавария" ярим ҳимоячиси Райан Гравенберх фаолиятини мерсисайдликлар клубида давом эттиришини айтди.
“Райан “Ливерпуль” футболчисига айланади. У аллақачон рози бўлган. У билан мен бир хил агентга эгамиз, шунинг учун мен буни биламан. Яқинда Англияда учрашув бўлиб ўтди, у "Ливерпуль" футболчиси, - деди Энрике Goal порталига.
Гравенберх ўтган ёзда "Аякс"дан "Бавария"га ўтган эди. Унинг трансфери немисларга 18,5 миллион еврога тушди.
20 ёшли ярим ҳимоячи жорий мавсум Германия чемпионатида 15 та ўйинда майдонга тушди ва битта сариқ карточка олди.
