"Манчестер Юнайтед" ва "Ливерпуль" қизиқиш билдираётган "Сельта"нинг 20 ёшли футболчиси Габриэль Вейга фаолиятини қаерда давом эттириш борасида қарор қабул қилди.
Fichajes маълумотлариг кўра, умидли испаниялик ярим ҳимоячи Лондоннинг "Арсенал" жамоасига ўтишни истамоқда. Вейга клубнинг азалий мухлиси ва "Канонирлар" формасини кийишни орзу қилади. Лондонликларнинг бу борадаги позицияси ҳозирча номаълум.
Вейганинг "Сельта" билан шартномаси 2026 йилнинг ёзига қадар тузилган. Габриэлнинг трансфер нархи ўн миллион евро.
Ярим ҳимоячи жорий мавсумда Ла Лигада 24 та ўйинда майдонга тушиб, 8 та гол урди ва 2 та голли узатмани амалга оширди.