Дортмунднинг "Боруссия" клуби раҳбарияти жамоа ярим ҳимоячиси Жуд Беллингем учун янги нарх белгилади. Mundo Deportivo хабарига кўра, "асаларилар" 19 ёшли инглиз футболчисини камида 125 миллион еврога баҳоламоқда.
Аввалроқ ОАВда ярим ҳимоячига "Реал Мадрид" ва Англия Премьер-лигасининг бир қатор топ-клублари қизиқиш билдираётгани ҳақида хабарлар тарқалган эди.
Беллингем Дортмунд сафида 2020 йилнинг ёзидан буён тўп суради. Жуднинг "асаларилар" билан амалдаги шартномаси 2024/2025 йилги мавсум охиригача амал қилади.
Ярим ҳимоячи жорий мавсум Бундеслигада 24 та ўйинда майдонга тушиб, 4 та гол урди ва 4 та голли узатмани амалга оширди.