Dortmundning "Borussiya" klubi rahbariyati jamoa yarim himoyachisi Jud Bellingem uchun yangi narx belgiladi. Mundo Deportivo xabariga ko‘ra, "asalarilar" 19 yoshli ingliz futbolchisini kamida 125 million yevroga baholamoqda.
Avvalroq OAVda yarim himoyachiga "Real Madrid" va Angliya Premyer-ligasining bir qator top-klublari qiziqish bildirayotgani haqida xabarlar tarqalgan edi.
Bellingem Dortmund safida 2020 yilning yozidan buyon to‘p suradi. Judning "asalarilar" bilan amaldagi shartnomasi 2024/2025 yilgi mavsum oxirigacha amal qiladi.
Yarim himoyachi joriy mavsum Bundesligada 24 ta o‘yinda maydonga tushib, 4 ta gol urdi va 4 ta golli uzatmani amalga oshirdi.