Каталониянинг “Барселона” клуби ярим ҳимоячиси Серхи Роберто Лионель Мессининг “кўк-анорранглилар” сафига қайтишига умид билдирди.

Эслатиб ўтамиз, "Барселона" тарихидаги энг яхши тўпурар ҳозирда "ПСЖ" сафида Францияда тўп сурмоқда. Ёзда аргентиналикнинг парижликлар билан шартномаси тугайди.

“Умид қиламанки, Месси “Барселона”га қайтади. У Париждаги таҳдидларга лойиқ эмас. Биз Леони кутамиз, уни “Барселона”да кўришни истаймиз”, — деди Роберто кеча “Реал” устидан қозонилган ғалабадан сўнг берган интервьюсида.

Кеча Роберто “Реал” дарвозасига гол уриб, жамоасининг 2:1 ҳисобида ғалаба қозонишига ёрдам берди.