"Рома" бош мураббийи Жозе Моуриньо ва "Лацио" президенти Клаудио Лотито дербидан кейин жанжаллашиб кетишди.
Трибуналар остида Жанлука Манчини ва Луис Альберто ўртасидаги вазиятни тартибга солмоқчи бўлган Моуриньо бу вақтда футболчиларнинг ёнида турган “Лацио” раҳбари Лотитога кўзи тушиб қолди.
"Нимага қараябсан?" - деди Моуриньо "Лацио" президентига.
"Сен нимага қараяпсан? Мен клуб президентиман, сен эса кимсан? Сенда дисквалификация бор, бу ердан кет”, деб жавоб қайтарди Лотито.
Эслатиб ўтамиз, дерби "Лацио"нинг 1:0 ҳисобидаги ғалабаси билан якунланган эди.