"Бавария" бош мураббийи Юлиан Нагельсманн халқаро танаффусдан сўнг дарҳол бўлиб ўтадиган Бундеслиганинг навбатдаги турида Дортмунднинг "Боруссия"сига қарши ўйиндан олдинги фикрлари билан ўртоқлашди.
“Кейинги турда “Боруссия Дортмунд”ни мағлуб этишимиз керак. Агар ғалаба қозона олмасак, балки мағлуб бўлсак, чемпионликни қўлга киритишимиз жуда қийин бўлади, айниқса, “Боруссия”нинг ҳозирги ҳолатини ҳисобга олсак”, деди Нагельсманн.
Эслатиб ўтамиз, кеча "Бавария" Бундеслигадаги ўйинда мағлуб бўлган бўлса, "Боруссия" уч очкони қўлга киритди. Дортмундликлар бир очколик фарқ билан турнир жадвалида биринчи ўринга кўтарилиб олди.
