Ёшлар Биринчилигида 19-тур учрашувлари старт олди.
Турнинг кутилмаган натижаси Олмалиқда қайд этилди. Мусобақа етакчиларидан бири, 18-тур якунига кўра 2-ўринда бораётган «Олмалиқ» ўз майдонида, кутилмаганда, мусобақада нисбатан омадсиз иштирок этаётган «Бунёдкор» ёшларига имкониятни бой берди. Забиҳилло Ўринбоев ҳамда Алибобо Раҳматуллаев томонидан урилган голлар Тошкент жамоасига 2:1 ҳисобидаги ғалабани келтирди. Ушбу ғалабадан сўнг «Бунёдкор», камида бир кунга, 10-ўриндан 7-ўринга кўтарилди.
«Қизилқум» эса, камида бир кунга, Ёшлар Биринчилиги пешқадамига айланиб олди. «Нефтчи»га қарши сафар учрашувида Алексей Евстафеев шогирдлари 3:2 ҳисобида ғалаба қозонишди. Зарафшонликлар биринчи бўлиб ҳисобни очганликларига қарамай, кейин кетма-кет иккита тўп ўтказиб юборишди. Шунга қарамай, «Қизилқум» ғалабани ўз томонига оғдиришга муваффақ бўлди. Учрашув якунланиши арафасида «Қизилқум» ярим ҳимоячиси Фаррух Ҳайдаров майдондан четлатилди.
Ёшлар Биринчилигининг қолган учрашувлари 14 сентябрь куни бўлиб ўтади.
Ёшлар Биринчилиги, 19-тур учрашувлари
12 сентябрь, чоршанба
«Нефтчи» - «Қизилқум» - 2:3. 123 томошабин.
Ҳакамлар: Д. Пислегин, Ш. Қодиров, Р. Темиров, А. Солиев.
Назоратчи: А. Попов.
Голлар: И. Ғаниев (28, пенальти), О. Зокиров (31) – С. Холматов (23), Ғ. Ўрунов (37), И. Рогованов (69).
Огоҳлантиришлар: Ж. Гусейнов (87), О. Зокиров (90) – А. Расулов (27), С. Холматов (41), Д. Мелиев (54), И. Рогованов (79), А. Макосин (89).
Четлатиш: Ф. Ҳайдаров («Қизилқум», 90+4).
«Олмалиқ» (Олмалиқ) – «Бунёдкор» (Тошкент) – 1:2. 113 томошабин.
Ҳакамлар: А. Рубаков, М. Каримов, Д. Сайлалов, А. Эргашев.
Назоратчи: Б. Галеев.
Голлар: Ш. Мирзаев (56) – З. Ўринбоев (13), А. Раҳматуллаев (32).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Қизилқум | 19 | 12 | 2 | 5 | 38-24 | 38 |
| 2 | Пахтакор | 18 | 11 | 3 | 4 | 32-23 | 36 |
| 3 | Олмалиқ | 19 | 11 | 2 | 6 | 43-26 | 35 |
| 4 | Нефтчи | 19 | 10 | 4 | 5 | 34-26 | 34 |
| 5 | Андижон | 18 | 10 | 2 | 6 | 31-24 | 32 |
| 6 | Насаф | 18 | 8 | 2 | 8 | 28-28 | 26 |
| 7 | Бунёдкор | 19 | 7 | 4 | 8 | 34-33 | 25 |
| 8 | Локомотив | 18 | 6 | 6 | 6 | 27-29 | 24 |
| 9 | Машъал | 18 | 6 | 5 | 7 | 33-26 | 23 |
| 10 | Динамо | 18 | 6 | 5 | 7 | 23-24 | 23 |
| 11 | Навбаҳор | 18 | 5 | 3 | 10 | 23-36 | 18 |
| 12 | Металлург | 18 | 4 | 5 | 9 | 25-39 | 17 |
| 13 | Шўртан | 18 | 4 | 3 | 11 | 18-34 | 15 |
| 14 | Бухоро | 18 | 4 | 2 | 12 | 23-40 | 14 |
