“Ливерпуль” дунёдаги энг катта клублардан бири ҳисобланади. Унинг таркибида кўплаб футбол юлдузлари ҳаракат қилган. Аммо шундай футболчилар борки, уларни ушбу клубда ўйнагани ёдингиздан чиққан бўлиши мумкин. Келинг, уларга тўхталиб ўтамиз.
Кристиан Бентеке (Бельгия)
2015 йилда Бентекенинг 46,2 миллион евро эвазига “Ливерпул”га ўтиши уни ўша пайтдаги дунёнинг энг қиммат белгиялик футболчисига айлантирганди. Кристиан мерсисайдликларга совринлар учун келган ва охир-оқибат майдондаги аҳмоқона хатолар ва жароҳатлар туфайли захира ўриндиғида қолишга мажбур бўлди.
Марио Балотелли (Италия)
2012 йилги Европа вице-чемпиони 2014 йилда “қизиллар” сафидан кетган Луис Суарес ўрнини эгаллади. Бу трансфер муваффақиятли бўлмади: Премьер-лигадаги мавсум давомида Балотелли 28 учрашувда бор йўғи 4 марта рақиблар дарвозасини ишғол қилди. Унинг майдон ташқарисида ҳам муаммолари бор эди: клуб мунтазам равишда футболчини ғайриижтимоий хатти-ҳаракатлари учун жаримага тортди.
Виктор Мозес (Нигерия)
Мозес 2013/2014 йилги мавсумни "Ливерпул"да "Челси"дан ижара асосида ўтказган. Бу вақт ичида Виктор 22 учрашувда майдонга тушиб, иккита гол урган.
Раҳим Стерлинг (Англия)
Рахим Стерлинг "Манчестер Сити" футболчиси сифатида фаолиятидаги асосий ғалабаларни қўлга киритди, бироқ у ўзининг улкан салоҳиятини ҳатто "Ливерпул"да ҳам очиб бера бошлаган эди. Тўрт мавсум давомида (2011 йилдан 2015 йилгача) футболчи 129 та ўйинда майдонга тушиб, 23 та гол урди ва 22 та голли узатмани амалга оширди.
Хавьер Маскерано (Аргентина)
Икки карра Олимпиада чемпиони мерсисайдликлар сафига 2008 йилда келиб қўшилганди. Кубоклар йўқлигига қарамай, Маскеранони айблашнинг иложи йўқ: футболчи жамоанинг энг яхшиларидан бири эди, беш мавсумда деярли 140 та ўйин ўтказди.
Робби Кин (Ирландия)
"Тоттенхэм" билан узоқ давом этган мунозаралардан сўнг Киннинг "Ливерпул"га ўтиши амалга ошди, бироқ Робби клубда бор-йўғи бир мавсум (2008/2009) ўтказди ва шунга қарамай, Премьер-лига вице-чемпионига айланишга муваффақ бўлди. Еврокубокларда ҳам футболчи ёмон эмасди: у Чемпионлар лигасининг еттита учрашувида иккита гол урди.
Милан Барош (Чехия)
Европа чемпионатининг бронза медали совриндори, "қизиллар" билан биргаликда 2005 йилда Чемпионлар лигасида ғалаба қозонган ва бундан бир неча йил олдин Англия Лига кубогини қўлга киритган. Умуман олганда, унинг инглиз клубидаги фаолияти муваффақиятли ўтди.
Джибрил Сиссе (Франция)
Сиссе "Ливерпул"да бир неча мавсум ўтказган (2004 йилдан 2006 йилгача). Жибрил биринчи ўйинларданоқ ажойиб ҳаракат қилди, аммо даҳшатли жароҳат унинг спорт карерасини деярли тугатди. Аммо футболчи ортга қайтди ва жамоага 2005 йилда иккита Англия кубоги ва УEФА Суперкубоги финалида ғалаба қозонишига ёрдам берди.
