"Тоттенхэм" "шпорлар" бош мураббийи Антонио Контенинг клуб ўйинчилари ва ходимларини танқид қилганидан кейин келажаги ҳақида ўйламоқда, деб хабар беради The Telegraph.

Лондонликлар ҳали ҳам бир қарорга келишмаган. Ҳозир клуб президенти Даниэл Леви италиялик мутахассисни мавсум охиригача клубда қолдириш ёки ҳайдаш борасида ўз атрофидагилар билан маслаҳатлашишда давом этмоқда. Ушбу ҳафта халқаро танаффус пайтида Конте истеъфога чиқарилиши мумкин. Бунда Раян Мейсон бош мураббий вазифасини бажарувчига айланади.

Конте "Тоттенхэм"ни 2021 йилнинг ноябридан буён бошқариб келмоқда. АПЛнинг 28-турида “Саутгемптон” билан дурангдан кейин (3:3) италиялик “шпорлар” футболчиларини очиқчасига танқид қилиб, уларни худбин деб атади.