"Бавария" вингери Серж Гнабри ёзда ҳозирги жамоасини тарк этишига қарши эмас. Журналист Флориан Плеттенбергнинг сўзларига кўра, “қизил машина” Гнабри ёки Лерой Санени сотиш ҳақида ўйламоқда. Раҳбарият Гнабри вариантига кўпроқ мойил.
Германиялик футболчи сўнгги пайтларда жуда кўп танқидларга учрамоқда, шу сабабли у ёзда “Бавария”ни тарк этишга тайёр бўлади. Эслатиб ўтамиз, жорий мавсум бошланишидан олдин Серж клубини ўзгартириши мумкин эди, аммо мюнхенликлар якунда футболчининг молиявий талабларини қондириб, унга янги шартнома таклиф қилишди.
Жорий мавсумда Гнабри Германия Бундеслигасида 9 та гол урди ва 4 та голли узатмани амалга оширди.
