Франциянинг «Лион» клуби президенти Жан-Мишель Оля 2009 йилдан буён «Реал»да тўп тепаётган ҳужумчи Карим Бенземани жамоага қайтаришни орзу қилишини айтди.
«Мен Бенземанинг қайтишини орзу қиламан, лекин буни амалга ошириш жуда қийин. Агар энг кичик имконият бўлса, барча хавф-хатарларга қарамай, биз уни қабул қиламиз.
У «Лион»нинг рамзи. «Барселона» билан ўйинда Карим жуда яхши кўринди», - деди Оля Madrid Xtraга берган интервьюсида.
Мавсум охирида Бенземанинг «Реал» билан шартномаси тугайди, аммо томонлар ҳамкорликни узайтиришлари мумкин. Карим жорий мавсум Ла Лигада 11 та гол урди.
