"Интер" ҳужумчиси Хоакин Корреа ёзда бошқа жамоага ўтиши мумкин. La Gazette Dello Sport хабарига кўра, "нерадзуррилар" футболчини ижарага беришни режалаштирмоқда.
Эслатиб ўтамиз, Корреа "Интер"га 2021 йилнинг ёзида "Лацио"дан келиб қўшилган эди. Бу мавсумда Хоакин барқарор ўйин амалиётига эга бўлмаяпти, агар "нерадзуррилар" мавсум охирида мураббийни ишдан бўшатиб юборса, Корреанинг позицияси янада қийинлашади.
Қайд этилишича, Миланнинг “Интер” клуби рақибларини кучайтиришни истамагани учун Хоакинни хориж клубига ижарага бермоқчи.