"Манчестер Сити" ярим ҳимоячиси Фил Фоден жорий мавсумда Чемпионлар лигасида ғалаба қозониш истаги ҳақида гапирди.
22 ёшли инглиз футболчиси 2021-йилда “Челси”га қарши Европанинг асосий клуб турнири финалида мағлуб бўлганидан кейин йиғлаганини тан олди.
“Чемпионлар лигаси ҳозир ҳаммамиз хоҳлаётган нарса. Биз финалга чиқиб мағлубиятга учрадик. Умид қиламанки, агар у ерга яна етиб борсак, мағлубият тажрибасидан муваффақият қозониш учун фойдалана оламиз", - дея Фоденнинг сўзларини келтиради Arab News.
Чемпионлар лигасининг 1/4 финалида "Манчестер Сити" "Бавария" билан тўқнаш келади. Ушбу қарама-қаршиликнинг илк ўйини 11 апрель куни бўлиб ўтади. Жамоаларнинг жавоб учрашуви 19 апрелга белгиланган.
