"Лидс" ярим ҳимоячиси Марко Рока "Бавария"да ўйнаган вақтидаги хотиралари билан ўртоқлашди. Эслатиб ўтамиз, испаниялик хавбек ўтган ёзда Юлиан Нагельсманн жамоасини тарк этганди.
“Бу менинг ривожланишим учун ажойиб давр бўлди. Ҳаётимдаги энг яхши қадам, десам ҳам бўлади. Бу осон эмас эди, лекин мен у ерда ўсдим. Немис тилини яхши ўргандим, чунки барча жамоа йиғинлари немис тилида ўтказиларди ", деди Рока The Athletic нашрига берган интервьюсида.
26 ёшли Рока жорий мавсумда Премьер-лигада 23 та ўйинда майдонга тушди. Ушбу учрашувларда испаниялик футболчи бир гол ва иккита голли узатмани амалга оширди.
