"Манчестер Юнайтед" ҳужумчиси Антони АПЛнинг 6-тури доирасидаги "Арсенал" дарвозасига урилган голни манкунианликлар сафидаги энг яхши дақиқа деб атади. Эслатиб ўтамиз, учрашув “қизил иблислар”нинг 3:1 ҳисобидаги ғалабаси билан якунланган эди.
“Бу туш каби эди. Мен "Манчестер Юнайтед"даги дебютимни "Олд Траффорд"да "Арсенал"га қарши энг муҳим ўйинда ўтказдим ва гол ҳам урдим", - дея Антонининг сўзларини келтиради GQ Sports.
Антони ўтган ёзда "Аякс"дан 95 миллион евро эвазига "Манчестер Юнайтед"га ўтган эди. 23 ёшли бразилиялик футболчи “қизил иблислар” либосида 30 та ўйин ўтказиб, 7 та гол урди ва битта голли узатмани амалга оширди.
