Мадриднинг “Реал” клуби германиялик футболчи Месут Ўзил фаолиятини якунлагани ҳақидаги хабарларга муносабат билдирди.
"Месут Ўзилнинг "Реал Мадрид"нинг профессионал футболчиси сифатида фаолиятини якунлагани эълон қилинганидан сўнг, Мадрид жамоаси буюк футболчиларимиздан бирига ўз миннатдорчилигини, ҳайратини ва ҳурматини билдиради. Сизга ва оилангизга омад!”, - деб ёзади клуб ижтимоий тармоғида.
Месут Ўзил 2010-2013-йилларда “Реал Мадрид” сафида тўп тепган. Жамоа таркибида у Испания чемпиони (2011/2012), Кубок (2010/2011) ва Испания Суперкубоги (2012) соҳибига айланди.