"Манчестер Юнайтед" дарвозабони Давид де Хеа клуб билан янги шартнома борасида музокараларни давом эттирмоқда.
32 ёшли футболчининг амалдаги шартномаси июнь ойида ниҳоясига етади ва клуб испаниялик билан ҳамкорликни давом эттиришни истамоқда, бироқ маоши қисқартирилган ҳолда. Журналист Роб Доусон хабарига кўра, "қизил иблислар" раҳбарияти маоши камайтирилишини талаб қилишда давом этмоқда, бироқ дарвозабон шартномасида ўтказилган ўйинлар сонига қараб сезиларли бонусларни белгилашга тайёр.
Давид де Хеа жорий мавсумда Эрик тен Хаг жамоаси сафида 42 та ўйинда майдонга тушиб, 46 та гол ўтказиб юборган ва 18 марта ўз дарвозаси дахлсизлигини сақлаб қолган.
