"Милан", "Тоттенхэм" ва "Вест Хэм" клублари "Лацио" бош мураббийи Маурицио Сарри атрофидаги вазиятни кузатмоқда, деб хабар беради Il Messagero.
Манбага кўра, 64 ёшли мутахассис жамоа чемпионлик учун кураша олиши учун кейинги мавсумда кучайиши учун римликлардан кафолат олмоқчи. Агар Сарри раҳбарияти унинг таклифини қабул қилмаса, у ҳолда у клубни тарк этишга тайёр, чунки жорий мавсумда унинг "Лацио" раҳбарияти билан муносабатлари ёмонлашган. Унга "Тоттенхэм", "Вест Хэм", "Милан" ва "Фиорентина" қизиқиш билдирмоқда.
Сарри “Лацио”ни 2021 йилнинг ёзидан буён бошқариб келмоқда. Бунгача италиялик мутахассис “Ювентус”, “Челси”, “Наполи” ва “Эмполи” клубларини бошқарган.
