Франция терма жамоасининг афсонавий дарвозабони Фабиан Бартез италиялик дарвозабон Жанлуижи Доннарумма ҳақида бошқача фикрда.
Бартезнинг фикрича, Доннарумма ўз ишини сидқидилдан қилмаяпти.
«Доннарумма мавсумни жуда ёмон ўтказмоқда. Команнинг «ПСЖ» дарвозасига урган голи унинг типик заиф томонларини, баланд бўйли дарвозабонга хос бўлмаган заиф томонларини кўрсатди.
У ўша тўпни оёғи билан тепиши мумкин эди, аммо бунинг учун унга техник маҳорат етишмади. Техникавийроқ дарвозабон бундай вазиятда гол ўтказиб юбормаган бўларди», - деди Бартез.
Эслатиб ўтамиз, Доннарумма 2021 йилдан бери «ПСЖ»да ўйнаб келмоқда.
