Fransiya terma jamoasining afsonaviy darvozaboni Fabian Bartez italiyalik darvozabon Janluiji Donnarumma haqida boshqacha fikrda.
Bartezning fikricha, Donnarumma o‘z ishini sidqidildan qilmayapti.
«Donnarumma mavsumni juda yomon o‘tkazmoqda. Komanning «PSJ» darvozasiga urgan goli uning tipik zaif tomonlarini, baland bo‘yli darvozabonga xos bo‘lmagan zaif tomonlarini ko‘rsatdi.
U o‘sha to‘pni oyog‘i bilan tepishi mumkin edi, ammo buning uchun unga texnik mahorat yetishmadi. Texnikaviyroq darvozabon bunday vaziyatda gol o‘tkazib yubormagan bo‘lardi», - dedi Bartez.
Eslatib o‘tamiz, Donnarumma 2021 yildan beri «PSJ»da o‘ynab kelmoqda.