Бугун "Насаф" - "Шўртан" учрашувидан сўнг жамоалар бош мураббийлари иштирокида одатдагидек матбуот анжумани бўлиб ўтди. Матбуот анжуманининг биринчи қисмида Эдгар Гесс иштирок этди.

- Учрашув жуда қийин кечди. Буни аввалдан билгандик. Гарчи мағлуб бўлган бўлсакда, умумий қилиб олганда жамоамнинг бугунги кўрсатган ўйини менга ёқди.

- Ўйин темпи ҳақида нима дея оласиз?
- Ўйин тенг курашлар остида ўтди. Дуранг ҳисоби адолатли бўлган бўлар эди. Бу футбол! Жамоам бугун ёмон ўйнамади.

- "Бунёдкор", "Насаф" ҳамда "Пахтакор" жамоаларидан қай бири кучлироқ деб ҳисоблайсиз?
- Ҳар бир жамоанинг ўз устун томонлари бор! "Насаф"да кучли ўйинчилар жамланишган. Лекин "Бунёдкор"ни ҳам 3та мусобақада кураш олиб бораётганини унутмаслигимиз керак.

- Ғузордаги биринчи давра баҳси билан бугунги баҳс ўртасида қандай фарқни сездингиз?
- Ғузорда биз ҳар жабҳада енгилгандик. Бугун тенгма тенг ўйнадик. "Насаф" биринчи давра бошида анча кучли ўйин кўрсатар эди.

- Танаффусда шогирдларингизга қандай кўрсатмалар бердингиз?
- Ўйинчиларни руҳини кўтардим. Биринчи бўлимда "Шўртан" ишончли ўйнамади, иккинчи бўлимдаги жамоам ўйини менимча, ҳаммага манзур бўлди.

- Қайси чизиқда "Шўртан" оқсоқланди, деб ўйлайсиз?
- Қанот ярим ҳимоямиз бугун ёмон ўйнади.

- Адама Соро жамоанинг энг яхши футболчиси деб ўйлайсизми?
- Ҳа, у нафақат бизнинг, балки ПФЛнинг энг яхши легионери ҳисобланади.