Кеча Франция чемпионатида икки учрашув бўлиб ўтди. Бу мавсумни шов-шувли трансферлар билан ўтказган Парижнинг «ПСЖ» клуби ўз уйида «Тулуза»ни қабул қилиб 2:0 ҳисобида ғалаба қозонди.

Жамоанинг олдинги чизиқлардаги том маънодаги икки етакчиси Хавьер Пасторе ва Златан Иброҳимовичлар томонидан киритилган голлар Анчелотти жамоасига навбатдаги ғалабани тақдим этди. Бу жамоанинг бу мавсумдаги иккинчи ғалабаси саналади. Парижликлар ҳозирча беш учрашувда 2 ғалаба ва 3 дуранг билан 9 очко жамғаришган ва турнир жадвалининг 3-поғонасига кўтарилиб олишди.

Шунингдек, кеча яна бир учрашув бўлиб ўтди ва унда «Реймс» жамоаси амалдаги чемпион «Монпелье» клубини қабул қилиб 3:1 ҳисобида ғалаба қозонди. «Монпелье»нинг сўнгги натижаларига қарар экансиз, чемпионлик тасодиф эканига амин бўлиб бораверасиз. Жамоа ўтказилган беш турдан кейин бир ғалаба, бир дуранг ва уч мағлубият – жами тўрт очко жамғарган. «Реймс» тўплаган очколари сони эса энди 7тага етди.

ФРАНЦИЯ ЧЕМПИОНАТИ
5-тур

РЕЙМС – МОНПЕЛЬЕ 3:1 (1:0)
Голлар: Диего Ригонато (38), Гломбар (71), Курте (86) – Кабелла (55).

Реймс: Агасса, Суаре, Вебер, Манди, Гломбар, Ка (Гисолфи, 68), Криховяк, Такалфре, Диего Ригонато, Дево, Фоверг (Курте, 76).
Монпелье: Журдран, Бедимо, Конгре, Илтон, Стембули, Эстрада, Бельханда, Бокали, Аит-Фана (Мунье, 73), Эррера (Кабелла, 55), Утака (Камара, 26).

ПСЖ – ТУЛУЗА 2:0 (1:0)
Голлар: Пасторе (38), Иброҳимович (69).
ПСЖ: Сиригу, Жалле, Алекс, М. Сако, Максвелл, Пасторе (Шантом, 70), Матюиди, Менез (Нене, 76), Верратти (Арман, 83), Т. Мотта, Иброҳимович.
Тулуза: Ахамада, М‘Бенге, Яго, С. Орье, Абденнур, Капуэ, Табану (Янник, 79), Дидо (Регаттен, 88), Сиссоко, Братен (Ривьер, 63), Бен Йеддер.

15 сентябрь
ТРУА – ЛИЛЛЬ
НИЦЦА – БРЕСТ
ЭВИАН – БАСТИЯ
СЕНТ-ЭТЬЕН – СОШО
ВАЛАНСЬЕН – БОРДО
16 сентябрь
РЕНН – ЛОРЬЯН
ЛИОН – АЯЧЧО
НАНСИ – МАРСЕЛЬ