Германиянинг "Бавария" клубини Томас Тухель бошқаради.
“Майнц”, “Боруссия Дортмунд”, “ПСЖ” ва “Челси” клубларининг собиқ бош мураббийи Мюнхен клубида Юлиан Нагельсманнинг ўрнини эгаллади.
49 ёшли германиялик мураббий “Бавария” билан 2025 йилнинг 30 июнига қадар шартнома имзолади.
Бу қарор клуб раҳбари Оливер Кан ва спорт директори Ҳасан Салиҳамиджич томонидан қабул қилинган ва президент Герберт Хайнер билан келишилган.
Тухел "Бавария" бошидаги илк ўйинини 1 апрел куни Дортмунднинг "Боруссия" жамоасига қарши ўз уйида ўтказади. Чемпионлар лигасининг 1/4 финалида жамоа “Манчестер Сити” билан учрашади.
Тухель мураббийлик фаолияти давомида Чемпионлар лигаси, УЕФА Суперкубоги, клублар ўртасидаги жаҳон чемпионати ва Франция чемпионати каби 10 та совринни қўлга киритди.
