Ла Лига 26-турида "Барселона" ўз майдонида "Реал"ни мағлуб этди (2:1) ва турнир жадвалидаги фарқни 12 тага етказиб қолди. Мавсум якунига 12 тур қолганда бу катта фарқ.
Diario AS нашри хабарига кўра, Карло Анчелотти учун бу Қирол кубоги ва Чемпионлар лигаси олдидан асосий футболчиларга дам бериши мумкинлигини англатади.
Нашр бундан фойда кўриши мумкин бўлган саккиз футболчи номини келтирган: Андрей Лунин, Альваро Одриосола, Хесус Вальехо, Начо, Дани Себальос, Марко Асенсио, Эден Азар ва Мариано Диас.
Кўпроқ ўйин вақти Начони шартномасини узайтиришга ва фаолиятини "Сантьяго Бернабеу"да давом эттиришга ишонтириши мумкин.
Бошқа ўйинчилар учун (Лунин, Себальос, Асенсио, Азар) бу клубга ўзини кўрсатиш имконияти бўлади, чунки уларнинг келажаги ҳали номаълум.
Шунингдек, Одриосола, Вальехо ва Мариано каби футболчилар мавсум охирида яхшироқ жамоага ўтиши имкониятини ошириш учун ўзининг максималини кўрсатишга ҳаракат қилиши табиий.
