La Liga 26-turida "Barselona" o‘z maydonida "Real"ni mag‘lub etdi (2:1) va turnir jadvalidagi farqni 12 taga yetkazib qoldi. Mavsum yakuniga 12 tur qolganda bu katta farq.

Diario AS nashri xabariga ko‘ra, Karlo Anchelotti uchun bu Qirol kubogi va Chempionlar ligasi oldidan asosiy futbolchilarga dam berishi mumkinligini anglatadi.

Nashr bundan foyda ko‘rishi mumkin bo‘lgan sakkiz futbolchi nomini keltirgan: Andrey Lunin, Alvaro Odriosola, Xesus Valyexo, Nacho, Dani Sebalyos, Marko Asensio, Eden Azar va Mariano Dias.

Ko‘proq o‘yin vaqti Nachoni shartnomasini uzaytirishga va faoliyatini "Santyago Bernabeu"da davom ettirishga ishontirishi mumkin.

Boshqa o‘yinchilar uchun (Lunin, Sebalyos, Asensio, Azar) bu klubga o‘zini ko‘rsatish imkoniyati bo‘ladi, chunki ularning kelajagi hali noma’lum.

Shuningdek, Odriosola, Valyexo va Mariano kabi futbolchilar mavsum oxirida yaxshiroq jamoaga o‘tishi imkoniyatini oshirish uchun o‘zining maksimalini ko‘rsatishga harakat qilishi tabiiy.