"Барселона" ярим ҳимоячиси Педри келажакда Англия Премьер-лигасига ўтиши мумкинлиги ҳақидаги саволга жавоб берди.
20 ёшли испаниялик футболчи "Барселона"нинг асосий ва "дахлсиз" футболчиларидан бири саналади.
"Айни вақтда, йўқ", деди Педри Англия Премьер-лигасида ўйнаш истаги ҳақида. "Мен "Барселона"да бахтлиман ва бу ерда яна кўп йиллар ўтказишга умид қиламан, лекин, албатта, ҳеч нарсани инкор этиб бўлмайди", деди испаниялик ёш футболчи.
Педрининг трансфер нархи Transfermarkt мутахассислари томонидан 100 миллион еврога баҳоланмоқда ва унинг Каталония клуби билан шартномаси 2026 йилнинг ёзига қадар амал қилади.
