«Милан» ҳужумчиси Рафаэль Леау Португалия терма жамоасидаги ўрни ҳақида гапирди.
23 ёшли футболчи Италия А Сериясининг асосий юлдузларидан бири ҳисобланади. Яқинда Лихтенштейнга қарши ўйинда (4:0) у 67-дақиқада Жоау Феликс ўрнига майдонга тушди.
«Мен ҳар доим жамоага ўз ҳиссамни қўшишга ҳаракат қиламан, охирги беш дақиқада ёки бошиданоқ ўйнашга тайёрман.
Менинг вазифам жамоага ёрдам бериш, гол уриш ва ассистентлик қилиш. Бизда ажойиб ўйинчилар кўп ва биз ҳаммамиз мураббий биздан нимани талаб қилишини яхши тушунамиз», - деди Леау.
