"Барселона"нинг собиқ ярим ҳимоячиси Роналдиньо "ПСЖ" ҳужумчиси Лионель Мессининг Каталония клубида фаолиятини якунлашини истамоқда.

“Мен Мессининг дўстиман. Мен у учун жуда хурсандман. Мессининг орзулари амалга ошаётганини кўриш мени хурсанд қилади. Мен учун Месси энг зўр. Мен уни бахтли кўришни истардим, қаерда эканлиги менга фарқи йўқ. Унинг "Барселона"даги ўйинларидан сўнг, у ерда фаолиятини якунласа яхши бўларди", - дея Роналдиньонинг сўзларини келтиради Marca.

35 ёшли ҳужумчи 2005 йилдан 2021 йилгача Каталония клубида тўп сурган. Кейин Месси "ПСЖ" билан 2023 йилнинг ёзига қадар мўлжалланган шартнома имзолади.

Аргентиналик футболчи жорий мавсумда француз клуби сафида барча турнирларда 32 та ўйин ўтказиб, 18 та гол урди ва 17 та голли узатмани амалга оширди.