"Манчестер Юнайтед" ҳимоячиси Гарри Магуайр мунтазам равишда қилинаётган танқидлар ҳақида гапирди.
"Мен ҳеч кимга ҳеч нарсани исботлашим шарт эмас. Англия терма жамоаси сафида 50 дан ортиқ ўйин, “Манчестер Юнайтед”да эса 200 га яқин ўйин ўтказдим. Аммо мен тушунаманки, сиз бундай жамоанинг сардори бўлганингизда, сизни кўпроқ ва диққат билан кузатиб боришади", - деди Магуайр 90min билан суҳбатда.
Жорий мавсумда 30 ёшли футболчи барча мусобақаларда 24 та ўйинда майдонга тушди ва 8 та сариқ карточка олди.
"Манчестер Юнайтед" 26 турдан кейин 50 очко жамғарган ҳолда АПЛ турнир жадвалида учинчи ўринда бормоқда.