Беларус терма жамоаси Германияда бўлиб ўтадиган 2024 йилги Европа чемпионати саралаш босқичини жуда омадсиз бошлади.
Георгий Кондратиев шогирдлари Швейцария терма жамоасидан жавобсиз бешта тўп ўтказиб юборишди. Жамоа устози ўз шогирдларининг бу муваффақиятсизлиги ҳақида фикр билдирди.
«Биринчи навбатда тактик хатоларга йўл қўйдик. Дастлабки иккита гол бир хил содир бўлди. Биз ғалаба қозонишга, ҳеч бўлмаганда гол уришга ҳаракат қилдик, аммо бу амалга ошмади.
Биз яхши ҳаракат қилдик, ҳаракат ҳақида савол йўқ, лекин ижро маҳорати ва тўп билан ишлаш бобида омад келмади»- деди Кондратиев ўз интервьюсида.
Кейинги ўйинда Беларус терма жамоаси Руминия билан меҳмонда ўйнайди, бу 28 март куни содир бўлади.
