“Навбаҳор” жамоаси 19-турда Самарқандда “Динамо”га имкониятни бой берди. Ўтган турда эса наманганликлар ўз майдонларида “Насаф”га ютқазиб қўйишганди. “Навбаҳор” клуби Самарқандга йўл олиш арафасида клуб расмий сайти жамоанинг катта мураббийи Александр Клименко суҳбатда бўлди.

— Александр Евгеньевич, жамоадаги тартиб-интизом тўғрисида нима дейсиз?
— Ички муҳит яҳши, бироқ бир-икки нафар ўйинчилар билан бу борада ишлаяпмиз. Қайси футболчи ички тартиб-интизомни бузадиган бўлса, унга нисбатан интизомий чора кўрилади. Охирги ўйинда Денис Романенко жамоани оғир аҳволга солиб қўйди, яъни ҳакамни сўкиб ҳақорат қилгани сабабли, бир неча огоҳлантиришларга қарамай, қизил карточка ҳам олди, бу вазиятни Ўзбекистон футбол Федерациясининг тартиб интизом қўмитаси кўриб чиқиб, ўйинчини 3-5 та ўйинга четлатиши мумкин. Романенко ўзини ноъмақул тутгани ва спорт одобномасига ҳамда жамоа ички тартибига риоя этмаганлиги сабабли клуб раҳбарияти томонидан интизомий чорага тортилади. Ўйинчи доимо жамоа манфаатини кўзлаб ўйнаш керак.

— Охирги ўйинларда жамоа яҳши ўйин кўрсатмоқда, бироқ натижа эса салбий...
— Буни сабабларини кўрдинглар, биласизлар, лекин ўз устимизда ҳам ишлашимиз керак ва ишлаймиз, муҳлисларни ҳам хурсанд қиламиз. Мен бошлаган ишимни охиригача етказишга ҳаракат қиламан, бизга халақит бермасалар бўлди. Жамоа ҳам ўзини кўрсатади. Мен жамоага ишонаман ва келгусида ўйинимизни кучайтириб, яҳши натижаларга эришишга умид қиламан.