Италиянинг "Рома" клуби бош мураббийи Зденек Земан айтишича, матбуот унинг Италия футбол федерацияси президенти Жанарло Абете ҳақида айтган сўзларини ўзгача маънода талқин қилган экан.
"Газеталар менинг Абетега нисбатан фикрларимни нотўғри талқин қилишибди. Менинг сўзларим шахсан унга қаратилмаган, балки у бошқараётган ташкилот ҳақида эди. Менимча, Италия футбол федерациясининг иши яхши томонга ўзгарса керак", - дея Земанннинг сўзларини келтиради Football Italia.
Эслатиб ўтамиз, куни кеча Италия ОАВда Земаннинг ИФФни кескин танқид қилиб чиққани ҳақида хабар тарқалган эди.