"Реал" бош мураббийи Жозе Моуриньо жамоаси Испания чемпионатининг 4-турида "Хетафе"га мағлуб бўлгандан сўнг (0:1) ўз шогирдларини танқид остига олди.
"Биз жуда ёмон ўйнадик. Мағлубият ҳаққоний бўлди. Ҳозирги пайтда менда жамоа йўқ.
Жамоавий руҳ йўқолган. Барча футболчилар орасидан фақатгина бир нечтаси ажралиб турибди. Мана шу бир нечта одамлар, футбол уларнинг ҳаёт мазмуни эканлигини ҳис қилиб туришибди.
Танаффусда икки ўзгартириш қилдим, аммо менинг еттита ўзгартириш қилгим келди. Футболда кўпроқ ўйинчи алмаштиришга рухсат бериш керак экан.
"Севилья" футболчилар худди бу уларнинг ҳаётидаги энг охирги ўйинидай, ҳар бир тўп учун курашдилар. Менинг ўйинчиларим фақат "Барселона"га қарши шундай ўйнаган эдилар.
Ўзил ва Ди Мария? Улар бошқаларда ёмон ўйнамадилар", - дея Моуриньонинг сўзларини келтиради AS.
Эслатиб ўтамиз, "Реал" тўрт турдан кейин 4 очко жамғариб, карвонбоши "Барселона"дан 8 очко ортда қолмоқда.