"Реал Мадрид" келаси мавсумда асосий таркибни янгилашни режалаштирмаяпти.

Шу муносабат билан кўплаб мадридликлар Карло Анчелоттини 2023/24 йилги мавсумда мураббий сифатида қолдиришни идеал деб билишади, чунки италиялик кийиниш хонасини яхши бошқаради, деб хабар беради Marca.

Карло ушбу мавсумда клубнинг келажак режалари бўйича барча йиғилишларда қатнашади. Шу билан бирга, 63 ёшли мураббий "қаймоқранглилар" бошлиқларга босим ўтказмайди ва клубдан қатъий қадамлар талаб қилмайди.

Анчелоттининг "Реал" билан шартномаси 2024 йилнинг ёзига қадар амал қилади. У Бразилия терма жамоасидаги мумкин бўлган иш ҳақида Бразилия Футбол Конфедерацияси билан боғланмади ва "Реал Мадрид" раҳбарияти мураббийни ўзгартиришга қарор қилмади.

Шу билан бирга, жорий мавсумдаги натижалар - Испания кубоги ва Чемпионлар лигасидаги натижалар Анчелоттининг келажагига таъсир қилиши мумкин. "Барса" Ла Лигада "Реал"дан 12 очко олдида бормоқда.