Испания терма жамоаси ярим ҳимоячиси Родри Эрнандес Шотландия билан бўладиган учрашув ҳақида ўз фикрлари билан ўртоқлашди.
Испаниянинг меҳмондаги ўйини 28 март куни бўлиб ўтади. Ҳар икки жамоа саралаш босқичини ғалаба билан бошлади: шотландлар Кипрни мағлуб этишди (3:0), Испания эса Норвегияни худди шу ҳисобда мағлуб этди.
«Биз Шотландия жамоаси нималарга қодирлигини биламиз. Икки турдан кейин ғалаба қозониб, олти очко олишни истаймиз, аммо бу осон бўлмайди.
Шотландияда тажовузкор, кучли ва жуда сифатли жамоа бор, аммо бизнинг эътиборимиз ўз ўйинимизга қаратилиши керак», - дея «Манчестер Сити» ярим ҳимоячисининг сўзларини келтиради TMW.