Ispaniya terma jamoasi yarim himoyachisi Rodri Ernandes Shotlandiya bilan bo‘ladigan uchrashuv haqida o‘z fikrlari bilan o‘rtoqlashdi.

Ispaniyaning mehmondagi o‘yini 28 mart kuni bo‘lib o‘tadi. Har ikki jamoa saralash bosqichini g‘alaba bilan boshladi: shotlandlar Kiprni mag‘lub etishdi (3:0), Ispaniya esa Norvegiyani xuddi shu hisobda mag‘lub etdi.

«Biz Shotlandiya jamoasi nimalarga qodirligini bilamiz. Ikki turdan keyin g‘alaba qozonib, olti ochko olishni istaymiz, ammo bu oson bo‘lmaydi.

Shotlandiyada tajovuzkor, kuchli va juda sifatli jamoa bor, ammo bizning e’tiborimiz o‘z o‘yinimizga qaratilishi kerak», - deya «Manchester Siti» yarim himoyachisining so‘zlarini keltiradi TMW.