Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив
30/03 01:00 Лилль - Ланс
30/03 01:00 Кадис - Гранада
30/03 16:30 Наполи - Аталанта
30/03 17:30 Ньюкасл - Вест Хэм
30/03 18:00 Хетафе - Севилья
30/03 19:00 Женоа - Фрозиноне
30/03 19:00 Торино - Монца
30/03 19:00 Андижон - Насаф
30/03 19:00 Пахтакор - Сўғдиёна
30/03 20:00 Ноттингем Форест - Кристал Пэлас
30/03 20:00 Шеффилд Юнайтед - Фулхэм
30/03 20:00 Тоттенхэм - Лутон
30/03 20:00 Борнмут - Эвертон
30/03 20:00 Челси - Бёрнли
30/03 20:15 Альмерия - Осасуна
30/03 21:00 Метц - Монако
30/03 22:00 Лацио - Ювентус
30/03 22:30 Астон Вилла - Вулверхэмптон
30/03 22:30 Валенсия - Мальорка

Футбол тарихида трансферлар учун энг кўп пул сарфлаган мураббийлар ўнталиги

Баҳо:
+ | -

Пул ва футбол тушунчаларини бир биридан ажратиш жуда қийин, аслида. Негаки, энг яхши клублардаги энг яхши мураббийларга энг катта совринларни ютиш учун, энг яхши футболчилар керак бўлади. Бунинг учун эса катта пул зарур. Албатта, катта-катта турнирларда топ-футболчиларсиз нимадир ютиш амри-маҳол иш. Шу сабабдан ҳам катта номлар катта пул талаб қилади ва бу табиий ҳол. Қуйида, футбол тарихида трансферлар учун катта маблағлар ишлатган мураббийлар ўнлиги қайд этилади.

10. Клаудио Раньери – 864.33 миллион*(1)

Бу ном рўйхатдаги энг кутилмаган ва ҳайратланарлисидир. Негаки, Раньери фаолиятини 18 та клубда ўтказган. Аммо ўша жамоалар ичида "Ювентус", "Монако" ва "Челси" каби йирик номлар мавжуд. Италиялик мутахассиснинг энг йирик харидлари 2016 йилнинг 30 июнида юз беради. Ўшанда у "Монако"га Фалкао ва Хамес Родригесни жами 88 миллион евро эвазига олиб келади. Раньери "Лестер"ни чемпион қилган йили Ислам Слимани 31 миллион еврога сотиб олинганди. Аммо бу харид "тулкилар"га ёрдам бермайди.

9. Эрнесто Валверде – 866.83 миллион*(2)

Валверде ўта катта пулни "Барса"даги йилларида сарф этган. Бу давр 2017, 2018 ва 2019 йилларга тўғри келади. У пайтлар "Барселона" биргина Неймар харидидан 222 миллион евро ишларди. Валверде эса 100 миллионни, учта футболчи учун сарфлайди. Улар Усмон Дембеле Филиппе Коутиньо ва Антуан Гризманндир. Аммо тез орада Валверде довони Клопп, Тухель ва Эмери каби мутахассислар томонидан забт этилса керак.

8. Антонио Конте – 967.1 миллион

Бу ном, энди, ҳеч кимни ҳайратлантирмаслиги аниқ, шундайми?
Конте ўзи ишлаган клуб раҳбариятларидан трансферлар учун пулларни суғуриб олишга устадир. Унинг трансферлар ҳақидаги мана бу гапи жуда ҳам машҳур: "Сиз чўтакдаги 10 евро билан 100 евролик ресторанда тамадди қила олмайсиз, шундай эмасми?".
Конте мана шу ёндошуви билан "Ювентус", "Интер" ва "Челси"да катта муваффақиятларга эришди. Аммо "Тоттенхэм"да бундай бўлмади. Италияликнинг тарихдаги энг катта харидлари: Ромелу Лукаку (77 миллион), Алваро Мората (66 миллион) ва Ришарлисон (69.5 миллион).

7. Арсен Венгер – 973.25 миллион

Венгер "Арсенал"даги узоқ йиллик фаолиятида бир миллиард еврога яқин пулни трансферлар учун ишлатди. Унинг илк даврлардаги харидлари жуда ҳам омали эди. Масалан, Тьерри Анри 14.5 миллионга ёки Патрик Виейра 3.5 миллион фунтга сотиб олинган. Уларнинг кейинчалик ким бўлганини ҳамма билади. Аммо Венгер ўзининг сўнгги даврларида трансферлар борасида бироз ғалати қарорлар қилгани ҳам бор гап.

6. Диего Симеоне – 1.04 миллиард

Симеоне катта маблағлар сарфлаганига қарамай, "Атлетико"да "Реал" ва "Барселона" монополиясидан қийналиб келди. Аргентиналик мутахассис 10 йил давомида ўз жамоасини бутунлай ўзгартирди. Унинг даврида "матрасчилар" икки бор Ла-лигани, 2 марта еврокубокларни яна 1 марта Испания кубогини ўзиники қилди. Гарчанд яхши бошқарувга қарамасдан, Симеонеда ҳам баъзи камчиликлар бор эди. Айниқса, трансферлар масаласида. Биргина Жоао Феликснинг 127 миллионга "Бенфика"дан харид қилиниши фикримизни яққол тасдиқлайди.

5. Массимилиано Аллегри – 1.08 миллиард

"Ювентус" фақат текин трансферлар қилади деган одамлар қаттиқ янгишади. Аллегри бундай мутахассислар сирасига кирмайди. Масалан, у 2014-2019 йиллар давомида Роналдуни 117 миллионга, Игуаинни эса 90 миллион евро эвазига харид қилганди. У, шунингдек, "Милан" сафида 2011 йилда Ибрагимович учун "Барса"га 24 миллион евро тўлаб берган.

4. Мануэль Пеллегрини – 1.16 миллиард

Балки бу ном ҳам сизга ғалати туюлар. Аммо "Манчестер Сити" ва "Реал"да фаолият юритган ҳар қандай мутахассиснинг трансферлар харажати ҳажми ошиб кетади. Масалан, чилилик мураббий 2009 йилнинг ёзида бир ҳафтада иккита рекорд-трансферларга қўл урганди. Уларнинг бири "Милан"дан Каканинг олиб келиниши бўлса, бошқаси "МЮ"дан Роналдуни сотиб олиниши эди.

3. Карло Анчелотти – 1.44 миллиард

Дон Карло доимо катта харажат қилган. Аммо шунга яраша натижа ҳам бўлган. У кучли бешлик чемпионатларидаги гигант клубларни бошқарган ва ҳар бирида жамоаларни чемпионликка эриштирган. Бу борада Анчелотти тенгсиздир. Агарда катта юлдузлар ва эгога эга номларни бошқариш керак бўлса, Карло отадан яхшироқ вариант топа олмайсиз. Италиялик мураббий узоқ йиллик фаолияти давомида 100 дан ортиқ футболчи сотиб олган. Улар ичида энг қиммати Гарет Бэйл ҳисобланади (101 миллион евро).

2. Пеп Гвардиола – 1. 61 миллиард

Рўйхатдаги яна бир, фақатгина топ-клублар билан ишлаган мураббийлардан бири. Пеп Испания, Германия ва Англияда бир неча марта тенгсиз деб топилган. Испаниялик мутахассиснинг энг қиммат хариди 2021 йилда амалга оширилган Жек Грилиш трансфери эди (100 миллион фунт).

1. Жозе Моуриньо – 1.71 миллиард

Моуриньо Симеонега ўхшайди. У ҳам катта харидлардан катта натижалар ола билмаган. Аммо пулни аямаган. "Челси"да Абрамович Моур учун пулни муаммо қилмасди. Аммо португалияликнинг йирик харидлари "МЮ" билан юз берган. У 2016 йилда Погбани 94.5 миллион, 2017 йилда Лукакуни 76.2 миллион, 2018 йилда эса Фредни 53.1 миллион фунт эвазига харид қилганди. Адолат юзасидан айтиш керакки, юқоридаги номларнинг ҳеч бири ўзидан кутилган натижаларни тақдим этмаган. Умуман олганда, Моуриньо ҳам катта харажатлар қиларди. Кўп ҳолларда, натижа ҳам келган. У 25 та титулни қўлга киритган.

 

 


ИСМАТОВ Ж.

Манба: football365.com

*(1) — қийматлар еврода тақдим этилган

*(2) — барча маълумотлар Transfermarkt.com порталидан олинган

Киритилди: 12:46, 28.03.2023.
Ўқилди: 3151 марта.
Фикрлар: 3 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.