Грузия терма жамоасининг собиқ бош мураббийи Владимир Вайс журналистлар билан суҳбатда “Наполи” ярим ҳимоячиси Хвич Кварацхелиянинг ўйинидаги ривожланиш ҳақида гапирди.

“У буюк истеъдод ва яхши йигит. Унга фақат омад тилайман! У замонавий футболни тезликда ўйнайди. Мавсумни ажойиб ўтказмоқда!" - деди Вайс хабар беради “Спорт-Експресс” мутахассис нашри.

Эслатиб ўтамиз, Кварацхелия неаполликлар сафига 2022 йилнинг ёзида келиб қўшилганди. Жорий мавсумда грузиялик ярим ҳимоячи 30 та учрашувда иштирок этиб, 14 та гол ва 16 та голли узатмани амалга оширган.

Хвичанинг шартномаси 2027 йилнинг ёзига қадар мўлжалланган бўлиб, унинг трансфер нархи 85 миллион еврони ташкил қилади.