Италиянинг афсонавий ҳужумчиси Алессандро дель Пьеро умр йўлдоши ва болалари билан Австралияга келди. У икки йил давомида "Сидней" клуби шарафини ҳимоя қилади.
Сидней аэропортида Италия терма жамоаси ва "Ювентус" клубининг собиқ ҳужумчисини 500 га яқин футбол мухлислар кутиб олди.37 ёшли футболчи дастхатлар тарқатди, мухлислар билан расмга тушди ва кейин кичик матбуот анжумани ўтказди.
"Мен бу ерга фаолиятимни якунлагани келганим йўқ, Бу ерда менинг фаолиятимда янги босқич бошланади", - деди Дель Пьеро.
Эслатиб ўтамиз, Австралия матбуотининг хабарларига кўра, Дель Пьеро йилига бонуслардан ташқари 2 млн австралия доллари (2,04 АҚШ доллари) олади.
