"Барселона"га янги келган Хулиан Араухо ҳали янги шароитларга мослаша олмади.

21 ёшли футболчи февраль ойида "кўк-анорранглилар" сафига қўшилди, бироқ у янги мавсум бошлангунга қадар асосий жамоада ўйнаш ҳуқуқига эга эмас. Журналист Герман Бона хабарига кўра, айни дамда “Барселона”нинг ўринбосарлар жамоасида машғулот ўтаётган мексикалик футболчи мослашишда қийналмоқда. Унга жамоанинг ўйин тамойилларини тушуниш қийин, ўйин амалиётининг йўқлиги эса вазиятни янада оғирлаштиради.

Араухонинг шартномаси 2026 йилгача мўлжалланган. Унинг собиқ жамоаси Американинг "Лос-Анжелес Гэлакси"си эди.