Россия премьер-лигасининг 8-туридан ўрин олган Москванинг ЦСКА ва Владикавказнинг «Алания» жамоаси учрашувида мезбонлар 2:0 ҳисобида ғалаба қозонишди.

«Армиячилар»нинг япониялик легионери Кейсуке Хонда томонидан киритилган икки гол мезбонларга ишончли ғалабани туҳфа этди.

Меҳмонлар таркибида ҳамюртимиз Санжар Турсунов асосий таркибда майдонга тушди ва жуда фаол ҳаракат қилди.

Дастлаб 41-дақиқажа Санжар ҳисобни очиши мумкин эди. «Алания»нинг ҳужумларидан бирини Игор Акинфеев қайтарди. Қайтган тўпга биринчи бўлиб етиб келган Турсунов томонидан берилган зарба бироз ноаниқ кўриниш олди.

53-дақиқага келиб энди Санжар вазиятни ҳам ўзи яратди. Ўнг қанотда икки рақиб қуршовидан қочиб кетган Турсунов чамаси 10 метрлар масофадан зарба берди. Бироқ Сергей Игнашевич ва Березуцкийларнинг бирваракайига ташланиши натижасида тўп рикошет ҳолатида майдонни тарк этди. 66-дақиқага келиб Турсунов ўз ўрнини Диего Маурисиога бўшатиб берди.

РФПЛ. 8-тур
ЦСКА – Алания 2:0 (0:0)
Голлар: Хонда (49, 85).

ЦСКА: Акинфеев, Марио Фернандес, В.Березуцкий, Игнашевич, Набабкин, Эльм, Цауня (Вернблум, 80), Тошич (Гонсалес, 69; П. Мамаев, 76), Хонда, Дзагоев, Муса.
Алания: Хомич, Хозин, Булгару, Байрыев, Плиев, Шемберас, Царикаев, САНЖАР ТУРСУНОВ (Маурисио, 66), да Роса (Гиголаев, 54), Неко, Пришкин.
Огоҳлантиришлар: Царикаев (31), Хомич (45), Шемберас (46), Марио Фернандес (55), Вернблум (90).
Четлатиш: Шемберас (90).