"Манчестер Сити" ярим ҳимоячиси Илкай Гюндоган эркин агент сифатида "Барселона"га ўтишга яқинлашмоқда.
32 ёшли футболчи “шаҳарликлар” билан шу йилнинг июнь ойида тугайдиган шартномани узайтирмади. Инсайдер Жерар Ромеронинг сўзларига кўра, "Барселона" Гюндоган билан аллақачон келишувга эришган, бироқ томонлар рўйхатдан ўтиш билан боғлиқ муаммолар юзага келган тақдирда қандай ҳаракат қилиш ҳақида ҳалигача қарор қабул қилишмаган. Айнан шу тафсилот немис футболчисини "кўк-анорранглилар" лагерига ўтишдан ажратиб туради.
Илкай Гюндоган "Барселона" билан шартнома имзолаши ва Ла Лига келишувни расмийлаштиришга имкон бермаса, бошқа клубга ижарага берилиши мумкин.
