Билбаонинг «Атлетик» клуби марказий ҳимоячиси Иньиго Мартинес янги мавсумдан бошлаб «Барселона»га ўтади.
Кутилганидек, томонлар битимнинг барча шартлари бўйича тўлиқ келишиб олдилар. 31 ёшли футболчи эркин агент сифатида Каталония клубига ўтади, чунки унинг «Атлетик» билан шартномаси июнь ойида тугайди.
Таниқли инсайдер Жерар Ромеронинг сўзларига кўра, Мартинес агар рўйхатдан ўтишда муаммоларга дуч келса, бошқа клубга ижарага берилиш шарти эвазига «Барселона» билан шартнома имзолайди. Шу билан бирга, марказий ҳимоячига келишилган маошнинг сақланиши кафолатланади.
Иньиго Мартинес 2018 йилдан буён «Атлетик»да ўйнаб келади, у жамоа сафида 173 та ўйин ўтказиб, 8 та гол уришга муваффақ бўлди.
