Bilbaoning «Atletik» klubi markaziy himoyachisi Inigo Martines yangi mavsumdan boshlab «Barselona»ga o‘tadi.
Kutilganidek, tomonlar bitimning barcha shartlari bo‘yicha to‘liq kelishib oldilar. 31 yoshli futbolchi erkin agent sifatida Kataloniya klubiga o‘tadi, chunki uning «Atletik» bilan shartnomasi iyun oyida tugaydi.
Taniqli insayder Jerar Romeroning so‘zlariga ko‘ra, Martines agar ro‘yxatdan o‘tishda muammolarga duch kelsa, boshqa klubga ijaraga berilish sharti evaziga «Barselona» bilan shartnoma imzolaydi. Shu bilan birga, markaziy himoyachiga kelishilgan maoshning saqlanishi kafolatlanadi.
Inigo Martines 2018 yildan buyon «Atletik»da o‘ynab keladi, u jamoa safida 173 ta o‘yin o‘tkazib, 8 ta gol urishga muvaffaq bo‘ldi.
