Кеча тунда Аргентина терма жамоаси Кюрасао терма жамоасига қарши ўртоқлик учрашуви ўтказди ва 7:0 ҳисобида йирик ғалабани қўлга киритди. Аввалги ўйинда Лионель Скалони шогирдлари Панамани мағлуб этишганди (2:0).
Журналист Алексис Бланкеснинг ижтимоий тармоқларида ёзишича, ушбу натижалар туфайли амалдаги жаҳон чемпионлари ФИФАнинг янгиланган рейтингида пешқадамлик қилишади.
Терма жамоалар рейтингининг янги версияси келаси ҳафта эълон қилинади. Аргентина ҳозирда Бразилиядан икки очко ортда қолган ҳолда рейтингда иккинчи ўринда бормоқда.
