“Атланта Юнайтед” ва Аргентина терма жамоаси ҳужумчиси Тьяго Альмада Европа жамоасига кўчиб ўтиши мумкин. Todofichajes журналистларига маълум бўлишича, 21 ёшли футболчида фаолиятини Испания чемпионатида давом эттириш имконияти бор. Футболчининг хизматларига Мадриднинг “Атлетико” клуби қизиқиш билдирмоқда. "Матрасчилар" келаси ёзда Альмада билан шартнома имзолашга ҳаракат қилишади.
Тьягонинг "Атланта" билан шартномаси 2025 йилнинг декабр ойи охиригача тузилган. Transfermarkt портали ҳужумчининг нархини 15 миллион еврога баҳоламоқда.
Ҳужумчи жорий мавсум МЛСда тўртта ўйинда майдонга тушиб, 4та гол ва 4та голли узатмага муаллифлик қилган.